طعمه لذيذ وشكله احلى واحلى لايفوتكم

بسم الله الرحمن الرحيم

السلام عليكم ورحمة الله وبركاته

وصفة حلى مكوناتها سهله وبسيطه ولذيذه بنفس الوقت

المقادير :
2 ظرف عجينه سمبوسه
1 حليب مركز محلى (نستله)
6 جبن كيري
هيرشي كارميل او شوكليت
سكر بني + قرفة(مقدار السكر البني يكون 3 اضعاف القرفة)
مكسرات للزينه

الطريقه:
اول شي تقطعين السمبوسه بالعرض 3 اقسام
وبعدين كل حبه تطوبنها بالطول على بعض وتلزقينها بخليط من الطحين والماي ( اللي نستعمله حق السمبوسه العاديه)

وبتطلع النتيجه هالشكل

[url=http://www.ashefaa.com/picup/uploads/7431ff3158.jpg][/url]

بعدين تسخنين الزيت عشان قلي عجينه السمبوسه
وبنفس الوقت تجيبين كيس بلاستك نضيف تحطين فيه كميه من القرنفل + السكر البني المطحون
وتجهزين صحن الشيز كيك الحديد تعرفونه صح.؟

كل هذا يكون جاهز مع بعض
اول شي تقلين كميه من عجينه السمبوسه
وتطلعينها على طول وتحطينها في الكيس اللي فيه قرنفل وسكر بني وتحركين الكيس شوي عشان القرنفل والسكر البني يلزق في السمبوسه
وعلى طول ترتبينهم في صحن الشيز كيك بشكل عمودي جنب بعض

وتكررين العمليه مع كميه العجين كله لحد ما يمتلي الصحن

في خلاط العصير تخلطين الجبن + الحليب المركز المحلى
وتسكبينه بشكل خطوط على السمبوسه
تجيبين الهيرشي وتوزعينه فوق السمبوسه على شكل خطوط بنفس طريقه الحليب المركز
وبالاخير تزينين بالمكسرات

شوي شوي تفتحين صحن الشيز كيك وترفعين الطرف وتجيبين شريطه وتربطين السويت بهذا الشكل

[url=http://www.ashefaa.com/picup/uploads/19ef29d042.jpg][/url]

وتحطينه في طبق التقديم

[url=http://www.ashefaa.com/picup/uploads/b93df0249d.jpg][/url]

م//ن

وبالهناء والعافيه